Qadın voleybolçulardan ibarət Azərbaycan milli komandasının Avropa çempionatının final mərhələsinə hazırlığı üçün ilk təlim-məşq toplanışının başlama vaxtı dəqiqləşib. Apasport.az saytının məlumatına görə, yığmamız baş məşqçi Faiq Qarayevin rəhbərliyi altında iyunun 10-da bir araya gələcək.

İlk 10 gündə məşqlər Bakıda baş tutacaq. Ardınca voleybolçularımızın hazırlığı ya bölgələrdə, ya da xarici ölkələrin birində keçiriləcək.

Qeyd edək ki, Avropa çempionatının final mərhələsi sentyabrın 23-də start götürəcək və oktyabrın 2-də yekunlaşacaq. Serbiya və İtaliyanın ev sahibliyi edəcək qitənin ən mötəbər yarışında Azərbaycan voleybolçularının yer aldığı B qrupunun oyunları Monse şəhərində keçiriləcək. Voleybolçularımız burada İtaliya, Türkiyə və Xorvatiya yığmaları ilə güclərini yoxlayacaq.

• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib
• Voleybolçularımız Alanyaya yollanıblar
• Voleybolçularımız təlim-məşq toplanışı üçün Türkiyəyə yollanıblar
• Avropa çempionatı Azərbaycanda!