Voleybol üzrə gənc qızlar arasında Avropa çempionatının ikinci təsnifat mərhələsinə yekun vurulub. Apasport.az saytının məlumatına görə, turnir Azərbaycan milli komandası üçün fiasko ilə başa çatıb.

Belə ki, D qrupunda yer alan yığmamız Avstriya, Slovakiya, İsveçrə və Bolqarıstana məğlubiyyətin ardından Hollandiyaya da uduzub – 1:3 (25:14, 21:25, 21:25, 21:25). Beləliklə, keçirdiyi 5 oyunda 1 xal toplaya bilməyən voleybolçularımız qrup sonuncusu olublar.

Rəqiblərimizdən isə ilk pilləni tutan Slovakiya birbaşa final mərhələsinə yüksəlib (12 xal). İkinci və üçüncü yerdə qərarlaşan Bolqarıstan və Avstriya yığmaları isə pley-offda mübarizəni davam etdirəcəklər.

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq