“Azərreyl”in sabiq məşqçisi Kamil Söz ötən mövsüm “Bakı”nı çalışdıran Vercesi Ancelloya rəqib olub. Apasport.az saytının məlumatına görə, Azərbaycan yığmasının sabiq voleybolçusu Yelena Şabovtanın həyat yoldaşı Sözün adı “Fənərbaxça”nın “sükanı arxası”na keçməyə namizədlər siyahısına daxil edilib.

Belə ki, Ze Robertonun Türkiyə klubu ilə vidalaşmasından sonra hazırda “sarı-lacivərdlilər”də məşqçi kimi karyerasını davam etdirən mütəxəssisə rəhbərlik əsas postu etibar etmək istəyir. Bu təyinat əcnəbilərlə müqayisədə daha yüksək qiymətləndirilir. Çünki “Fənərbaxça”nın futbol klubuna yerli Aykut Kocamanın rəhbərlik etməsi Kamilin də vəzifəyə gətirilməsinə yol açır.

Qeyd edək ki, Kamil artıq 7 mövsümdür İstanbul klubunda çalışır. O, oraya yollanmazdan öncə isə “Azərreyl”də işləyib.

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq