Braziliya millisinin voleybolçusu Paula Pequeno karyerasını Azərbaycanda davam etdirə bilər. Apasport.az saytının məlumatına görə, 30 yaşlı voleybolçu Bakı klublarından təklif aldığını etiraf edib.

Pekin Olimpiadasının qalibinin sözlərinə görə, qərarını verməyə tələsmir və təklifləri nəzərdən keçirdikdən sonra yekun qərarını verəcək: “Mənə Azərbaycanla yanaşı, Rusiya, Türkiyə və Polşadan da elçi düşüblər. Lakin hələ vaxt var. Buna baxmayaraq, tezliklə seçimimi açıqlayacağam”.

Qeyd edək ki, Pequeno Pekin Olimpiadasının qalibi olmaqla yanaşı, yarışın ən dəyərli voleybolçusu seçilib. O, həmçinin Qran-prinin qalibi və dünya çempionatının finalçısı olub.

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq