Azərbaycan millisinin voleybolçusu Yelena Parxomenko özünə yeni klub tapıb. Apasport.az saytının məlumatına görə, 30 yaşlı blokçumuz karyerasını yığmamızın bazasına çevrilməkdə olan “Azəryolservis”də davam etdirəcək.

Son mövsümü “Lokomotiv” və “Lokomotiv Biləcəri”də oynayan Parxomenko yeni klubu ilə 1 mövsümlük razılığa gəlib. Bununla da o, çempionat Super Liqa adlandıqdan sonra ən çox komandada çıxış edən voleybolçuya çevrilib. Belə ki, “Azərreyl”in şərəfini qoruyan Yelenanın karyerasında “Azəryolservis” 4-cü olacaq.

Qeyd edək ki, “Azəryolservis” Parxomenkodan öncə millimizin digər üzvü Odina Əliyeva ilə müqavilə imzalayıb.

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq