Qadın voleybolçular arasında Avropa çempionatının II təsnifat mərhələsində Azərbaycan yığmasının rəqibi Belarus millisinin hazırlıq prosesi yekunlaşır. Apasport.az saytının məlumatına görə, Viktor Qonçarovun rəhbərlik etdiyi komanda təlim-məşq toplanışının ilk mərhələsini Tixiniçidəki yeni idman bazasında keçirir.

Burada ümumi fiziki, funksional hazırlıq və topla çalışmalara üstünlük verilir. Sabah başa çatacaq toplanışdan sonra rəqibimiz Polşanın Krakov şəhərinə üz tutacaq. Orada yerli klublarla sınaq matçları olacaq.

Avqustda belaruslular növbəti hazırlığı Baranoviçdə keçirəcəklər. Həmin ayın 23-26-da isə Yujni şəhərində keçiriləcək beynəlxalq turnirə qatılacaq rəqibimiz “Ximik”, Ukrayna yığması və “Uraloçka” ilə qarşılaşacaq.

Qeyd edək ki, Avropa çempionatının II təsnifat mərhələsi sentyabrın 7-da başlayacaq.

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq