“Rabitə”nin yeni baş məşqçisi Marçelo Abbondanza Azərbaycan voleybol yığmasına qiymət verib. Apasport.az saytının məlumatına görə, təcrübəli italiyalı mütəxəssis Bakıda Avropa Olimpiya Təsnifat Turnirində başçılıq etdiyi Bolqarıstan yığmasının qalib gəldiyi millimizin güclü və zəif cəhətlərindən danışıb.

Abbondanza azərbaycanlı həmkarı Faiq Qarayevin çalışdırdığı komandanı ümumilikdə güclü saysa da, çatışmazlıqların olduğunu da açıqlayıb: “Azərbaycan yığması blokda və hücumda yaxşı oynayır. Sadəcə, balanslaşdırılmış komanda deyil, müdafiədə və top qəbulunda zəifdir. Azərbaycan yığmasının oyunu əvvəldən oxunur”.

Qeyd edək ki, bolqarlar finalda millimizə qalib gəlməklə, Türkiyədə keçirilən Avropa Olimpiya Təsnifat Mərhələsinin həlledici oyunlarına vəsiqə qazanmışdı.

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq