Çempionlar Liqasının qrup mərhələsinin I turunu idarə edəcək hakimlər briqadasının adı açıqlanıb. Apasport.az saytının məlumatına görə, 3 klubla qatıldığımız yarışda ilk olaraq görüşə mübarizəyə başlayacaq “Lokomotiv”in “Srvena Zvezda” (Serbiya) ilə səfər matçı italiyalı Sandro la Migelaya həvalə edilib. Oktyabrın 23-də baş tutacaq oyunda Georgios Karampetsos (Yunanıstan) ikinci referi olacaq.

“Dəmiryolçular”dan 1 gün sonra “Agel” (Çexiya) - “Rabitə” (Azərbaycan) matçının start fitini slovakiyalı İqor Porvaznik verəcək. Ona köməkliyi fransalı Yanik Çaladay edəcək.

Həmin gün Bakıda “Azərreyl”in Almaniya “Dersner”i ilə qarşılaşmasına isə Arturo di Giakomo (Belçika) və Dusan Dovicoviç (Slovakiya) təyinat alıblar.

Qeyd edək ki, “Azərreyl”in qarşılaşması saat 18:00-da, digər 2 klubumuzun dueli isə saat 21:00-da başlayacaq.

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq