“Çempionlar Liqasına qələbə ilə başladığımız üçün çox məmnunam. Bu, klubumuz üçün vacib qələbədir”. Apasport.az saytının məlumatına görə, bunu “Rabitə”nin kapitanı Mira Qoluboviç deyib.

Təcrübəli voleybolçumuz Çexiya “Agel”inə 3:0 hesabı ilə qalib gəldikləri oyun barədə fikirlərini açıqlayıb: “Oyunumuzdan razı qaldım. Çünki bu, sadəcə adi bir qarşılaşma deyil, həm də mövsümə start idi. Düzdür, ilk 2 setdə oyunumuzu tapmaqda bir qədər çətinlik çəkirdik. Rəqib çox yaxşı mübarizə aparırdı. Lakin 3-cü setdə sübut etdik ki, komandamız çox güclüdür”.

Qeyd edək ki, ilk 2 hissədə 25:21 və 25:23 hesabı ilə qalib gələn “Rabitə” sonuncu seti rəqibindən 12 xal öndə bitirib - 25:13.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq