Azərbaycan voleybol yığmasının lideri Natalya Məmmədovanın çıxış etdiyi Rusiyanın “Omiçka” klubu üçün növbəti turdakı oyun böyük önəm daşıyır. Apasport.az saytının məlumatına görə, noyabrın 5-də Moskva “Dinamo”su ilə ev oyunu serbiyalı Zoran Terziçin baş məşqçisi olduğu Omks təmsilçisi üçün Superliqada yubiley – 130-cu matç olacaq.

Məmmədovun komandası belə əlamətdar hadisəni qələbə ilə qeyd etmək niyyətindədirlər. Bununla da “Omiçka” rəqibi ilə oyunlarda balansdakı fərqi də azaltmağa çalışacaq. Belə ki, komandalar arasında keçirilən 9 oyunda omsklular cəmi 2 qələbə qazanıb.

Bu matç Məmmədova üçün eyni zamanda keçmiş komanda yoldaşı ilə görüş baxımından əlamətdardır. Belə ki, Natalyanın ötən mövsüm kapitanı olduğu “Rabitə”də birgə oynadığı xorvatiyalı Nataşa Osmokroviç hazırda “Dinamo”da çıxış edir.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq