“Ümid edirəm ki, azarkeşlərimizin dəstəyi altında qələbə seriyamızı davam etdirəcəyik”. Apasport.az saytının məlumatına görə, bunu “Rabitə”nin kapitanı Mira Qoluboviç deyib.

Təcrübəli voleybolçu Çempionlar Liqasında Polşa “Atom”u ilə qarşılaşmaya münasibət bildirib.

Qoluboviçin sözlərinə görə, ilk 3 turdakı qələbənin davamını gətirməyi hədəfə alıblar: “Bunun üçün fanatlarımızın dəstəyinə də ehtiyacımız var. Onların sayəsində həm Çempionlar Liqasında, həm də Super Liqada qələbələri sıralayırıq. Bu dəfə də istəyimiz dəyişməzdir və “Atom”a Bakıda da qalib gəlmək əzimindəyik”.

Qeyd edək ki, “Rabitə” – “Atom” qarşılaşması noyabrın 22-də Bakıda olacaq. Komandamız son turda rəqibinə 3:0 hesabı ilə qalib gəlmişdi.

• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub
• “Azərreyl”dən inamlı qələbə
• "Azərreyl" "Gənclər"ə qarşı - Yüksək liqada növbəti oyunlar
• Azərbaycan Yüksək Liqasında müntəzəm mövsümün son turlarının tarixi açıqlanıb