“İqtisadçı” ilə oyunda gözlənilmədən qələbə qazandığımızı düşünmürəm. Bu qələbə bizim üçün vacib idi və biz də qarşılaşmaya kökləmişdik”. Apasport.az saytının məlumatına görə, bu sözləri Rusiyanın “Omiçka” voleybol klubunun üzvü Yuliya Podskalnaya deyib.

Rusiyalı hücumçu qadınlar arasında CEV kubokunun 1/8 final mərhələsinin Azərbaycan təmsilçisi “İqtisadçı” ilə cavab oyunu haqda fikirlərini açıqlayıb: “Komanda baş məşqçinin bütün tapşırıqlarını yerinə yetirdi. Bu gün hər şey alınırdı – hücum da, blok da. Bakıdakı ilk oyundan sonra evə qayıdıb matçı təhlil etmişdik. Oradakı səhvlərimizdən nəticə çıxardıq və oyunumuzda düzəlişlər etdik. Hələ oyun başlamazdan əvvəl qələbəmizə inanırdıq. Çünki bizim ustalıq səviyyəmiz daha yüksəkdir”.

Qeyd edək ki, “Omiçka” növbəti mərhələyə “Qızıl set”də qələbə sayəsində yüksəlib.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq