Azərbaycan millisinin sabiq voleybolçusu Yelena Yakimçuk ailə həyatı qurub.

Apasport.az saytının məlumatına görə, milliləşən legionerin toy mərasimi vətəni Ukraynada baş tutub.

Xanım voleybolçu Dmitri Şatovla evlənib. Kiyevdə anadan olan Yelenanın toyu da paytaxtda gerçəkləşib. 

Cütlük şad gününü Kiyev vilayətində qeyd edib. Onlar yaxınlarını “Şilin” istirahət mərkəzinə toplayıb. Onlar toyun ardınca bal ayı üçün Yunanıstanın Krit adasına yollanıblar. 

Qeyd edək ki, Yakimçuk karyerası ərzində “Kruq Çerkassı” (2008/09), “Lokomotiv Biləcəri” (2012/13), “Monako” (2014/15, 2015/16) və “Makkabi Hadera Hafer”də (2017/18, 2018/19) çıxış edib.
 

• "Azərreyl"dən növbəti transfer
• "Azərreyl"də yeni transfer
• Voleybolçularımız Gürcüstana yollanıblar
• “Azərreyl”də yeni voleybolçu
• "Azərreyl" 2 voleybolçu ilə anlaşıb