Azərbaycan millisinin sabiq voleybolçusu Polina Rəhimovanın yeni klubu bəlli olub. 

Apasport.az saytının məlumatına görə, 31 yaşlı hücumçu karyerasını İtaliyada davam etdirəcək. 

O, A seriyası təmsilçisi “Kasalmaggiore” ilə 1 mövsümlük müqavilə imzalayıb. Polina yeni komandasında 71 nömrəli formanı geyinəcək.

Rəhimova 2018-2019 mövsümündə şərəfini qoruduğu komandaya qayıtdığı üçün xoşbəxt olduğunu açıqlayıb: “İtaliyada başladığım işi yekunlaşdırmaq üçün geri dönməli olduğumu hiss etdim. Mən əlimdən gələni əsirgəməmək üçün buradayam”. 

Qeyd edək ki, Polina son 2 mövsümdə Braziliyanın “Sesi Bauru” klubunda oynayıb. 
 

• "Azərreyl"dən növbəti transfer
• "Azərreyl"də yeni transfer
• Voleybolçularımız Gürcüstana yollanıblar
• “Azərreyl”də yeni voleybolçu
• "Azərreyl" 2 voleybolçu ilə anlaşıb