Azərbaycan Həndbol Federasiyasının (AHF) hesabat-seçki konfransı keçirilib.

Apasport.az saytının məlumatına görə, iclasda gənclər və idman naziri Fərid Qayıbov çıxış edərək konfrans iştirakçılarını salamlayaraq onlara uğurlar arzulayıb.

Sonra AHF-nin İdarə Heyətinə yeni seçki keçirilib. 2016-cı ildən federasiyanın rəhbəri vəzifəsini icra edən Saleh Məmmədov yenidən qurumun prezidenti seçilib. O, növbəti 4 ildə də federasiyaya rəhbərlik edəcək.

Yığıncaqda həmçinin Orxan Abbasov və Rəfiqə Şabanova federasiyanın vitse-prezidentləri seçiliblər. Konfransda Həndbol Federasiyası İdarə Heyətinə də seçkilər keçirilib. İsgəndər Əsgərov, Ernest Ağakişi, Vaqif Əliyev, Ələkbər Ağakişiyev, Lyudmila Şubina və Vidadi Əliyev İdarə Heyətinə üzv seçiliblər.

• "Azərreyl"də yeni transfer
• Voleybolçularımız Gürcüstana yollanıblar
• “Azərreyl”də yeni voleybolçu
• "Azərreyl" 2 voleybolçu ilə anlaşıb
• “Azərreyl”dən yeni transfer