Qadın voleybolçular arasında Azərbaycan Super Liqasında daha bir mükafatın sahibi bəlli olub.

Apasport.az saytının məlumatına görə, “Azərreyl” gümüş medallara yiyələnib.

Bu, çempionatın X turunda rəsmiləşib. İzləyicisi “Murov”a 3:0 hesabı ilə qalib gələn voleybolumuzun flaqmanı xal hesabını 17-yə çatdırıb.

Sona iki tur qalmış üçüncü pillədən 9 xal uzaqlaşan “Azərreyl” bununla da ikinciliyi təmin edib. Çempionluq şansını hələ ötən tur bitirən komanda üçün “Abşeron” əlçatmazdır.

Qeyd edək ki, dörd komandanın yarışdığı Super Liqada bürünc medala “Murov” və UNEC iddia edir.
 

• "Azərreyl"də yeni transfer
• Voleybolçularımız Gürcüstana yollanıblar
• “Azərreyl”də yeni voleybolçu
• "Azərreyl" 2 voleybolçu ilə anlaşıb
• “Azərreyl”dən yeni transfer