Azərbaycan Voleybol Federasiyası 16 yaşadək voleybolçu qızlar üçün düşərgələr təşkil edir.

Apasport.az federasiyanın mətbuat xidmətinə istinadən xəbər verir ki, ilk düşərgə avqustun 5-də Qusarda start götürüb və 10 gün davam edəcək. 

Düşərgəyə Şahin Çatma rəhbərlik edir. Onun köməkçisi isə Hamid Anvaridir. 

Burada fiziki və texniki məşqlərlə yanaşı, qızlara voleybolun incəlikləri öyrədilir, onların daha yaxşı forma toplaması üçün müxtəlif proqramlar həyata keçirilir. 

Düşərgələrə ümumilikdə 22 idmançı cəlb olunub. Sonda onlar arasında seçim aparılacaq və qızlardan ibarət U-16 komandası formalaşdırılacaq.

Qeyd edək ki, növbəti düşərgə 16-26 avqust tarixlərində Qaxda təşkil olunacaq.

• Zaur Hacıyev "Benfika"nın matçını idarə edəcək
• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib
• Voleybolçularımız Alanyaya yollanıblar
• Voleybolçularımız təlim-məşq toplanışı üçün Türkiyəyə yollanıblar