“Çempionlar Liqasında asan rəqib olmadığını bir daha gördük. İlk 2 setdə öz oyunumuzu tapa bilmədik”. Apasport.az saytının məlumatına görə, bunu “Fənərbaxça”nın voleybolçusu Eda Erdem Dündar deyib.

İstanbul klubunun kapitanı Çempionlar Liqasında “Telekom”a 3:2 hesabı ilə qalib gəldikləri oyunu şərh edib. O bildirib ki, qələbələrində xarakter nümayiş etdirmələri rol oynayıb: “0:2 hesabı ilə geri düşməyimizə baxmayaraq, özümüzü itirməyib, yumruq kimi birləşdik. Xarakter nümayiş etdirib, taktiki cəhətdən düzgün oynadıq. Qalib gəldiyimiz üçün sevinirik. Xüsusilə də 2 set geridə olduğumuz görüşdə əzmkar qələbə sevindiricidi. Qrupdakı bütün oyunlarda qalib gəlmək istəyirik. Çünki pley-offa qrup qalibi kimi yüksəlmək istəyirik”.

Qeyd edək ki, Bakı klubu növbəti matçını da səfərdə keçirəcək. Rəqib Almaniya “Dresdner”i olacaq.

• Bu gün XIX tura start veriləcək
• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub