Qadın voleybolçular arasında Çempionlar Liqasının I turunun “Dinamo” (Kazan, Rusiya) – “Lokomotiv” (Azərbaycan) matçının ən yaxşıları açıqlanıb. Apasport.az saytının məlumatına görə, CEV qarşılaşmanın statistik göstəricilərinə əsasən fərqlənənləri müəyyənləşdirib.

Şimallıların 3:1 (25:21, 23:25, 25:22, 25:22) hesabı ilə qalib gəldiyi görüşdə meydan sahiblərinin hücumçusu Darya İsayeva hamıdan çox – 25 xal toplayıb. Təmsilçilərimiz arasında ən yaxşısı Aneta Havliçkova olub. O, 15 xal toplayaraq komanda yoldaşı Aleksandra Çrnçeviçi 2 xal arxada qoyub.

Matçın 3-cü bombardiri olan Aneta hücumda 14 xal qazanıb. O, yalnız 22 uğurlu həmlə edən Daryadan geri qalıb.

• Bu gün XIX tura start veriləcək
• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub