Azərbaycan millisinin voleybolçusu Odina Bayramovanın gələcək karyerasına aydınlıq gəlib. Apasport.az saytının məlumatına görə, Türkiyənin “Halkbank” klubu ilə müqaviləsini pozan 4-cü zona oyunçusu karyerasını İtaliyada davam etdirəcək.

Yığmamızın kapitanı A seriyasında oynayan “Firenze” ilə müqavilə imzalayıb. Razılaşmaya əsasən, Bayramova ən azı 2016/2017 mövsümünü Florensiya təmsilçisinin heyətində keçirəcək. Özünü yaxşı göstərəcəyi halda, onun müqaviləsinin müddəti də artırılacaq.

Qeyd edək ki, Odina hələlik legioner həyatı yaşamayıb. O, son 2 ayı Türkiyə klubunda olsa da, rəsmi matça çıxmadan Ankara təmsilçisi ilə vidalaşıb. Təmsilçimiz “Firenze”yə kimi isə “Şirvan”, “Bakı” və “Azərreyl” klublarında oynayıb.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq