Qadın voleybolçular arasında Çempionlar Liqasında qrup mərhələsinin oyunları davam edir. Apasport.az saytının məlumatına görə, V tur çərçivəsində “Telekom”un rəqiblərindən “Dresdner” (Almaniya) “İmpel”lə (Polşa) üz-üzə gəlib.

Görüş polşalıların qələbəsi ilə başa çatıb. “Dresdner”in gücü 1 setə çatıb – 1:3.

Almaniya çempionunun xal qazana bilməməsi daha çox Bakı klubunun işinə yarayıb. Aktivində 2 xalı olan “Telekom” qarşıdakı 2 görüşdə 6 xal toplayarsa və rəqibləri “quru hesabla” uduzarsa, “Fənərbaxça”nın ardınca pley-offa yüksələcək. Komandamızın istənilən hesabla məğlubiyyəti isə avrokubokla vidalaşmasına səbəb olacaq.

E qrupu

“Dresdner” (Almaniya) - “İmpel” (Polşa) – 1:3 (23:25; 27:29; 25:15; 19:25)

Qeyd edək ki, “Telekom” V turun oyununa bu gün çıxacaq. Komandamız “Fənərbaxça” ilə qarşılaşacaq.

• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub
• “Azərreyl”dən inamlı qələbə