Bakının “Azərreyl” klubu daha bir voleybolçunun keçidini həll edib. Apasport.az saytının məlumatına görə, “dəmiryolçular” ukraynalı Viktoriya Dedkova ilə anlaşıblar.

30 yaşlı hücumçu mövsümün sonunadək “Azərreyl”də oynayacaq. 192 sm boya malik Dedkova artıq komandaya qoşulub.

Son 2 mövsümü (2015-2017) Qazaxıstan “Altay”ında keçirən Viktoriya Azərbaycan üçün tanış simadı. O, 2011/2012 mövsümündə “Lokomotiv-Biləcəri” klubunun formasını geyinib.

Dedkova vətənində “Kruq” (2006-2011), Rusiyada “Voronej” (2012-2014) və Rumıniyada “Satu Mare” (2014-2015) klublarının da şərəfini qoruyub.

Qeyd edək ki, “Azərreyl” bu gün ukraynalı toppaylayıcı Alla Politanskaya ilə də müqavilə bağlayıb. 

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq