Qadın voleybolçular arasında Çempionlar Liqasının qrup mərhələsində V turun oyunları davam edir. Apasport.az saytının məlumatına görə, tur çərçivəsində rəqiblərimizdən “Dinamo” (Rusiya) “Ştutqart”ı (Almaniya) qəbul edib.

Bu görüşədək pley-offa vəsiqəni təmin edən Kazan təmsilçisi 5-ci matçını da qələbə ilə başa vurub. Şimal qonşularımız CEV kuboku üçün “Azərreyl”lə mübarizəni davam etdirən “Ştutqart” setə belə həsrət qalıb – 0:3.

Bu qələbə “Dinamo”nun növbəti mərhələyə qrup lideri kimi çıxmasını da təmin edib. Onlar üçün son turda “Lokomotiv”lə matç formal xarakter daşıyacaq.

Qrupdan CEV kubokuna yollanacaq komandanın adına isə yanvarın 27-də aydınlıq gələcək. Həmin gün Almaniyada “Ştutqart”la “Azərreyl” vəsiqənin taleyinə aydınlıq gətirəcək. İstənilən hesabla qalib gələcək komanda avrokubokda çıxışını davam etdirəcək.  

A qrupu

“Dinamo” (Kazan, Rusiya) – “Ştutqart” (Almaniya) – 3:0 (25: 17; 25:11; 27:25)

Qeyd edək ki, “Lokomotiv” V turda məhz “Azərreyl” üzərində qələbə qazanmaqla, pley-offa yüksəlib.

• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub
• “Azərreyl”dən inamlı qələbə