Avropa Voleybol Konfederasiyası (CEV) azərbaycanlı hakim Fuad Ağayevə növbəti təyinat göndərib. Apasport.az saytının məlumatına görə, həmyerlimiz “Çelenc Cup”ın 1/16 final mərhələsində iş başında olacaq.

Belə ki, Ağayev Krasnodar şəhərində qadın voleybolçular arasında keçiriləcək “Dinamo” (Rusiya) – “Qraz” (Avstriya) matçında baş hakim funksiyasını yerinə yetirəcək. Yanvarın 12-də olacaq görüşdə Ağayevə almaniyalı Matias Evald köməklik edəcək.

Bu komandalar arasında keçirilən ilk matçda krasnodarlılar 3:2 hesabı ilə qələbə qazanıblar.

Qeyd edək ki, Ağayev bu mövsüm kişi voleybolçular arasında keçirilən “Çelenc Cup”da da referilik edib.

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq