“Telekom”un voleybolçusu Ana Kleger (Piriyeva) özünə yeni iş yeri tapıb. Apasport.az saytının məlumatına görə, Bakı təmsilçisinin imtinasından sonra klubsuz qalan kubalı karyerasını Türkiyədə davam etdirəcək.

Özünə yüksək dəstədə yer tapa bilməyən Kleger qonşu ölkədə I liqada oynayacaq. 27 yaşlı hücumçu “Samsun BB” ilə anlaşıb. O, mövsümün startında “Azəryol”dan Anna Stepanyuku da transfer edən komanda ilə 5 aylıq müqavilə bağlayıb.

Qeyd edək ki, Kleger 2014-cü ildə “Telekom”la 5 illik razılıq əldə etmişdi. Ötən il komandanın kapitanı olan mərkəzi amerikalı ilə müqaviləyə bu il qarşılıqlı şəkildə xitam verilmişdi.

O, “Telekom”la Super Liqanın gümüş medalını qazanıb. 

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq