Azərbaycan çempionu “Lokomotiv” yeni mövsüm üçün heyətini formalaşdırmağa başlayıb. Apasport.az saytının məlumatına görə, ölkəmizi “Çelenc Cup”da təmsil edəcək “dəmiryolçular” artıq baş məşqçi və 9 voleybolçu ilə rəsmi müqavilə imzalayıb.

Belə ki, avrokubokda debüt edəcək komandanı yeni ildə də Fərid Cəlalov meydana çıxaracaq. Onun köməkçisi Sergey Nikulenko olacaq.

Məşqçilər korpusu ilə yanaşı, Asif Əliyev, Kənan Allahverdiyev, Dmitri Baranov, Aleksey Çervyakov, Rəsul İbrahimov, İvan Kazaçkov, Dmitri Obodnikov və Pərviz Səmədovla da müqavilə 1 illik uzadılıb.

“Lokomotiv” yeni voleybolçu ilə də anlaşıb. Bu, 16 yaşlı blokçu Ruslan Əliyevdi.

Qeyd edək ki, Bakı təmsilçisi “Çelenc Cup”da Kiprin “Apoel” klubu ilə oynayacaq. 

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq