Kişi voleybolçular arasında “Çelenc Cup”ın 1/8 final mərhələsinin cavab oyunları ərəfəsində yarışın statistik göstəriciləri açıqlanıb. Apasport.az saytının məlumatına görə, avrokubokun ən yaxşıları sırasında Azərbaycan çempionu “Lokomotiv”in də oyunçuları yer alıblar.

Bakı təmsilçisinin heyətində Dmitri Obodnikov blokçuların mübarizəsində 4-cü sırada qərarlaşıb. Yığmamızın da şərəfini qoruyan voleybolçu 5 oyunun 19 setində 13 dəfə rəqib hücumunun qarşısını xalla alıb.

Top qəbulunda Rəsul İbrahimovla Vüqar Bayramov fərqləniblər. Onlar müvafiq olaraq, 9-cu (39,77 faiz) və 10-cu (38,68) yerdədi.

Bayramov bombardirlər yarışında isə 21-ci pillədədi. O, 52 hücumunu dəqiq tamamlayıb.

Qeyd edək ki, “Lokomotiv” 1/8 finalın ilk oyununda Yunanıstan “Olimpiakos”una 0:3 hesabı ilə uduzub. Cavab görüşü isə fevralın 1-də Bakıda olacaq. 

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq