Qadın voleybolçular arasında Çempionlar Liqasının I turunu idarə edəcək hakimlər dəqiqləşib. Apasport.az saytının məlumatına görə, Avropa Voleybol Konfederasiyası yarışda mübarizə aparacaq Azərbaycan klublarının matçında da ədaləti qoruyacaq referilərin adını açıqlayıb.

Belə ki, “Telekom”un mövsümdə ilk oyunu belçikalı Arturo Di Qiakomoya həvalə edilib. Dekabrın 14-də İtaliyada “Konegliano” ilə qarşılaşmada köməkçi hakim funksiyasını Andrey Zenoviç (Rusiya) yerinə yetirəcək.

Bir gün sonra Bakıda baş tutacaq “Azərreyl” – “Dabrova Qornitsa” (Polşa) görüşündə isə hakimlik İvan Lazareviç (Serbiya) və Stefano Çezareyə (İtaliya) tapşırılıb.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq