Qadın voleybolçulardan ibarət Azərbaycan millisi artıq Avropa çempionatında oyunlarını keçirəcəyi Antverpendədi. Apasport.az saytının məlumatına görə, Sloveniyada təlim-məşq toplanışı başa vuran Faiq Qarayevin yetirmələri bir günlük istirahətdən sonra Belçikaya gediblər.

Onlar sentyabrın 26-da start götürəcək yarışa son məşqləri Antverpendə keçəcəklər.

Bu arada, yığmamızla yanaşı, qrup mərhələsində rəqibimiz olan Türkiyə voleybolçuları da bu gün Belçikaya yollanıb.

Qeyd edək ki, millimizin yer aldığı B qrupunun oyunları Antverpendə keçiriləcək. Burada Azərbaycan və Türkiyə ilə yanaşı, Macarıstanla ev sahibləri növbəti mərhələ üçün mübarizə aparacaqlar. Qitə birinciliyinə isə Belçika ilə birgə Hollandiya da ev sahibliyi edir.

• Yüksək Liqa: “Murov Az Terminal” və “Ordu”dan qələbə
• Bu gün XIX tura start veriləcək
• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq