Azərbaycan millisinin voleybolçusu Yana Ağayevanın Çin karyerası uzun çəkməyib. Apasport.az saytının məlumatına görə, oktyabrda “Beijing” klubuna transfer olunan 28 yaşlı hücumçu Pekin klubu ilə müqaviləni qarşılıqlı şəkildə pozub.

Bunda Ağayevanın heyətə düşə bilməməsi əsas rol oynayıb. “Beijing” də voleybolçumuz xidmətinə ehtiyac duymadığından ona azad agent statusu verib.

Lakin Ağayevanın işsiz günləri çox çəkməyib. Slovakiya əsilli hücumçu yenidən Türkiyəyə üz tutub. Ötən mövsümü Superliqa təmsilçisi “Çanaqkala Bld” bitirən Yana bu dəfə II liqa klubu ilə anlaşıb. 198 sm boya malik voleybolçu “Balıkesir”lə müqavilə bağlayıb. O, hazırda 35 xalla 3-cü pillədə qərarlaşan komanda ilə mövsümün sonuna kimi razılıq əldə edib.

Qeyd edək ki, Yana Cənubi Koreyanın “Hyundai” və Polşanın “Atom” klublarında da legioner həyatı yaşayıb. 

• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub
• “Azərreyl”dən inamlı qələbə