Qadın voleybolçular arasında Azərbaycan Super Liqasının qalibi adını rəsmiləşdirən “Telekom” tarixində yeni səhifə açıb. Apasport.az saytının məlumatına görə, Zoran Qayiçin yetirmələri ilk dəfə çempion olmaqla, çempionat tarixinə üçüncü qızıl medalçı kimi düşüblər.

Onlara kimi “Rabitə” 7 dəfə, “Azərreyl” 1 dəfə fəxri kürsünün ən yüksək pilləsinə qalxıb.

Bu medal çempionatımız Super Liqaya çevriləndən sonra “Telekom”un tarixində 2-ci mükafat olub. 2015/2016 mövsümündə “Azərreyl”ə uduzan bakılılar gümüş medalla kifayətlənmişdilər.

“Dəmiryolçular” isə ikinci olmaqla, öz rekordlarını yeniləyiblər. Gümüş sayını 5-ə çatdıran “Azərreyl” bu göstəricidə hamıdan öndədi. Onlar həmçinin medal sayında da bütün rəqiblərini arxada qoyublar. Komandanın hesabında 1 qızıl, 5 gümüş və 1 bürünc medal var.

Çempionluq siyahısında “Rabitə” hələ ki, əlçatmazdı.

 * işarəsi – “Azərreyl” 2013-2015-ci illərdə “Azəryol” adlanırdı.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq