Beynəlxalq dərəcəli azərbaycanlı referi Eldar Əliyev qadın voleybolçular arasında Çempionlar Liqasına dəvət alıb. Apasport.az saytının məlumatına görə, həmyerlimiz qrup mərhələsinin III turu çərçivəsində keçiriləcək “Əczaçıbaşı” (Türkiyə) – “Ximik” (Polşa) matçında ədaləti qoruyacaq.

İstanbulda, Burhan Felek Voleybol Salonunda baş tutacaq qarşılaşmada Əliyev ikinci hakim funksiyasını yerinə yetirəcək. Təmsilçimiz noyabrın 26-na təsadüf edəcək oyunda əsas referi Georgios Georgouleasa kömək edəcək.

Qeyd edək ki, Əliyevdən öncə, II turda Eldar Zülfüqarov da Çempionlar Liqasının oyununda fit sahibi olub. 

• Bu gün XIX tura start veriləcək
• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub