İyunun 26-da ADA Universitetinin açıq meydançasında "3x3 Streetball Championship in Baku 2016/2017 - Open" turunun birinci mərhələsi keçirilib. Apasport.az saytının məlumatına görə, Milli Olimpiya Komitəsi və Azərbaycan Basketbol Federasiyasının dəstəyi ilə keçirilən yarışda 12 klub uşaq-yeniyetmə olmaqla, 32 komanda iştirak edib.

Kişilər arasında final qarşılaşmasında AzTOP-la (Dmitri Neçay, Vadim Doqşın, Emil Mirzəyev, Rüstəm Əliyev) “Polukhinski Pereulok" (Nadir Əhmədov, Süleyman Cəfərov, Tərxan Hüseynzadə, Eldar Qocayev) üz-üzə gəlib. Birincilər rəqibini 11:8 hesabı ilə məğlub edərək, ilk mərhələnin qalibi olublar. Nadir Əhmədov isə turnirin ən dəyərli oyunçusu (MVP) seçilib.

Yeniyetmə oğlanlar arasında həlledici matçda “Fireball” (Rza Məmmədli, Fariz Allahverdiyev, Elnur Namazov, Qəhrəman Cavadov) “21-st century”ə 10:7 hesabı ilə qalib gəlib.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq