Qadın voleybolçular arasında avrokubokda mübarizə aparacaq Azərbaycan klubları Bakını tərk ediblər. Apasport.az saytının məlumatına görə, CEV kubokunun 1/16 final mərhələsindən yarışa qoşulacaq “Azəryol” “Tarqovitse” ilə ilk matç üçün Rumıniyaya yollanıb.

Aleksandr Çervyakovun yetirmələri səfərə bu gün çıxıblar. Onlar mövsümə oktyabrın 28-də start verəcəklər.

“Azəryol” kimi “Lokomotiv” də paytaxtdan ayrılıb. “Dəmiryolçular” Çempionlar Liqasında qrup mərhələsinin ilk matçı üçün Kazana gediblər. Onlar burada oktyabrın 28-də “Dinamo” ilə qarşılaşacaqlar.

Qeyd edək ki, “Azəryol”la “Lokomotiv”dən fərqli, “Telekom” və “Azərreyl” ilk görüşlərinə Bakıda çıxacaqlar. 

• Bu gün XIX tura start veriləcək
• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub