Türkiyə millisinin voleybolçusu Gözde Kırdar yığma karyerasını başa vurub. Apasport.az saytının məlumatına görə, 32 yaşlı hücumçu Avropa çempionatında Azərbaycanla oyunun “ay-ulduzlu” formada son görüşü olduğunu açıqlayıb.

Millisinin kapitanı bildirib ki, artıq gənclərə yer verməyin zamanıdı: “Bakıdakı görüşlər bizim üçün çox çətin keçdi. Bürünc medal ölkəmiz, bizim üçün vacib idi. Komandamla qürur duyuram. Amma Azərbaycanla qarşılaşma millidə son matçımdı. Bu üzdən də karyerama medalla son qoyduğum üçün çox xoşbəxtəm”.

Qeyd edək ki, Türkiyə Avropa çempionatında 3-cü yer uğrunda görüşdə Azərbaycana 3:0 hesabı ilə qalib gələrək, bürünc medala yiyələnib. 

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq