“Azərreyl” daha bir voleybolçusu ilə vidalaşıb. Apasport.az saytının məlumatına görə, “dəmiryolçular” bu dəfə Tailand millisinin hücumçusu Malika Kanzonqla yollarını ayırıblar.

Belə ki, yeni mövsümdə “Çelenc Cup”da oynayacaq “Azərreyl” 30 yaşlı voleybolçunun başa çatan müqaviləsini yeniləməkdə maraqlı olmayıb. Bu səbəbdən də “İqtisadçı” və “Azəryol”da da oynamış Kanzonq növbəti dəfə ölkəmizdən ayrılıb.

“Azərreyl”lə Super Liqanın ikincisi olan asiyalı 2013-cü ildə “İqtisadçı” ilə də gümüş medal qazanıb. O, son 2 ildə Azərbaycan çempionatının müxtəlif nominasiyalarında ən yaxşı seçilməklə, yarışın simvolik yığmasında da yer alıb.

Qeyd edək ki, Bakı klubu Kanzonqdan öncə Edina Dobi (Macarıstan), Danitsa Radenkoviç (Serbiya), Marten Bettendorf (ABŞ) və Mersi Moimlə (Keniya) vidalaşıb.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq