Qadın voleybolçular arasında Çempionlar Liqasının III təsnifat mərhələsinə start verilib. Apasport.az saytının məlumatına görə, ilk matçlarda gözlənilməz nəticələr qeydə alınmayıb.

Belə ki, “Sen-Rafael” (Fransa) və “Fənərbaxça” (Türkiyə) ilə C qrupunda yer alan Super Liqanın qalibi “Azərreyl”in son rəqibi çox güman ki, “Dabrova Qornitsa” olacaq. Polşa təmsilçisi səfərdə “Agel”i (Çexiya) məğlub edib.

Vitse-çempion “Telekom”a isə İtaliyanın “Modena” klubu rəqib olmağa yaxındı. Onlar ilk qarşılaşmada Fransa “Kann”ına “quru hesabla” qalib gəliblər. İtaliya təmsilçisi cavab matçında da eyni uğuru təkrarlayarasa, Bakı klubu, həmçinin “Ximik” (Polşa) və “Konegliano” (İtaliya) ilə qarşılaşmaq hüququ qazanacaq.

Digər cütlərdə isə “Əczaçıbaşı” (Türkiyə) və “Vizura” (Serbiya) qələbə qazanıblar.

Komandalar arasında ikinci matçlar noyabrın 19-da olacaq.

III təsnifat mərhələsi, ilk oyunlar

“Minçanka” (Belarus) - “Əczaçıbaşı” (Türkiyə) – 1:3 (22:25; 25:21; 11:25; 19:25)

“Agel” (Çexiya) - “Dabrova Qornitsa” (Polşa) – 1:3 (25:13; 19:25; 19:25; 17:25)

“Modena” (İtaliya) - “Kann” (Fransa) – 3:0 (25:19; 25:23; 25:16)

“Vizura” (Serbiya) - “Dinamo” (Krasnodar, Rusiya) – 3:2 (23:25; 25:21; 19:25; 25:19; 15:7)

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq