Avropa Voleybol Konfederasiyası (CEV) Azərbaycan millisinin sabiq voleybolçusu Natalya Məmmədovanın şikayəti ilə bağlı qərarını açıqlayıb. Apasport.az saytının məlumatına görə, 2014-cü ilin yayında “Omiçka”nı İsveçrə “Volero”suna dəyişən hücumçuya olan borcunu ödəmədiyi üçün CEV Omsk təmsilçisini cəzalandırıb.

Belə ki, Məmmədovaya 28 min avroya yaxın borcu olan şimal qonşularımız qeyri-müəyyən vaxta qədər legioner transferindən məhrum olublar. Sentyabrın 10-da CEV sanksiya ilə bağlı “Omiçka”ya rəsmi məktub da ünvanlayıb. Komanda növbəti cəzalarla üzləşməmək üçün 3 həftə ərzində hücumçunun borcunu qaytarmalıdı.

Qeyd edək ki, CEV-in Mübahisələrin Həlli Palatası FİVB-in tribunalı və Lozanna İdman Məhkəməsinin qərarlarını əsas gətirərək, Omsk klubunu borcunu ödəməyə təhkim edib. Bu məbləğ klubun Natalyaya olan borcu, həmçinin ödənilməyən pula görə bir il ərzində hesablanan faizin cəmidi. 

• Yüksək Liqa: “Murov Az Terminal” və “Ordu”dan qələbə
• Bu gün XIX tura start veriləcək
• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq