Azərbaycan Super Liqasının debütantı “Abşeron” daha bir voleybolçu ilə güclənib. Apasport.az saytının məlumatına görə, paytaxt təmsilçisi Bəyaz Əliyeva ilə danışıqları müsbət yekunlaşdırıb.

“Rabitə” və “Telekom”la ölkə çempionatının medallarını qazanmış 27 yaşlı libero ilə 1 illik müqavilə imzalanıb. 170 sm boya malik Əliyeva komandaya baş məşqçi Eldar Yusubovun istəyi ilə gətirilib.

Transfer bazarının fəallarından olan komandada bununla da oyunçuların sayı 9-a çatıb. Əliyevaya kimi “Abşeron” Yana Əzimova, Kseniya Pavlenko, Yuliya Kərimova, Zinaida Lyubimova, Viktoriya Ağakişiyeva, Fidan Əhmədxanova, Fidan Ağaməmmədova və Yekaterina Kalçenko (Ukrayna) ilə müqavilə bağlayıb.

Qeyd edək ki, Əliyeva bu gündən yeni klubunda məşqlərə də başlayıb. O, “Rabitə” ilə ölkə çempionu adını qazanıb, “Telekom”la qızıl və gümüş medalçı olub. 

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq