Qadın voleybolçular arasında klublararası dünya çempionatında yarımfinal matçları keçirilib. Apasport.az saytının məlumatına görə, Manilada keçirilən yarışda finala yüksələn klublar müəyyənləşib.

Belə ki, ilk olaraq, Türkiyə təmsilçiləri – “Əczaçıbaşı” ilə “Vakıfbank” münasibətinə aydınlıq gətirib. Qarşılaşma birincilərin 3:1 (25:23; 19:26; 25:17; 25:23) hesablı qələbəsi ilə yekunlaşıb.

Həlledici matçda “Əczaçıbaşı”nın rəqibi isə İtaliya “Kasalmaqqiore”si olacaq. Apenninlilər yarımfinalda “Volero”nu məğlub ediblər. Azərbaycan millisinin sabiq voleybolçusu Natalya Məmmədovanın kapitanı olduğu Sürix təmsilçisi ilk seti üstün bitirsə də, ardını gətirə bilməyib – 1:3 (27:25; 23:25; 17:25; 23:25).

Mükafatçıların adına sabah aydınlıq gələcək. Həmçinin “Banqkok Qlass” - “PSL – F2 Loqistiks” (Filippin) görüşü 7-ci, “Rexona” (Braziliya) - “Hisamitsu” (Yaponiya) 5-ci pillənin sahibini müəyyənləşdirəcək.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq