Qadın voleybolçular arasında Çempionlar Liqasının IV tur oyunları davam edir. Apasport.az saytının məlumatına görə, milli komandamızın hücumçusu Polina Rəhimovanın forma geyindiyi “Fənərbaxça” da növbəti matçına çıxıb.

B qrupunda çıxış edən İstanbul təmsilçisi İtaliya “Konelyano”su ilə qarşılaşıb. Səfərdə baş tutan görüş meydan sahiblərinin qələbəsi ilə yekunlaşıb – 3:2 (20:25, 18:25, 25:18, 25:22, 15:11).

Matçın gedişində “Fənərbaxça” iki set qabağa keçib, amma sonradan özündə güc tapan italiyalılar əzmkar qələbə qazana biliblər.

Polina Rəhimova 13 xal toplasa da, bu, qələbə üçün yetərli olmayıb.

Qeyd edək ki, 4 oyundan sonra aktivində 6 xal olan “Fənərbaxça” B qrupunda 3-cü pilləsində qərarlaşıb.

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq