Qadın voleybolçular arasında Türkiyə Sultanlar Liqasının pley-off mərhələsinin oyunlarının vaxtı açıqlanıb. Apasport.az saytının məlumatına görə, Azərbaycan millisinin hücumçusu Polina Rəhimovanın şərəfini qoruduğu “Fənərbaxça” “Əczaçıbaşı” ilə ilk görüşünə sabah çıxacaq.

Komandalar arasında ikinci oyun isə martın 25-nə təsadüf edəcək. Əgər bu 2 qarşılaşmada hesab bərabər olarsa, istanbullular üçüncü dəfə münasibətinə aydınlıq gətirəcəklər. Həmin oyunun tarixi martın 28-nə təyin edilib.

Digər yarımfinal cütündə isə “Qalatasaray”la “Vakıfbank” üz-üzə gələcək.

Qeyd edək ki, Marqarita Əzizovanın çıxış etdiyi “Beşiktaş” 5-8-ci yerlə uğrunda mübarizə aparacaq. “Qara qartallar” martın 21-də və 28-də, ehtiyac olarsa ayın 31-də “Halkbank”la qarşılaşacaqlar.

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq