İsveçin qadın həndbolçulardan ibarət “Kristianstad” klubu heyətini açıqlayıb. Apasport.az saytının məlumatına görə, skandinaviyalılar “Çelenc Cup”ın 1/8 final mərhələsində Azərbaycanın “Azəryol” komandası ilə matç üçün 14 oyunçu sifariş ediblər.

Bunlardan 6-sı legioner olduğu halda, digərləri yerli həndbolçulardı. Baş məşqçi Ulf Şefvert Bakıda keçiriləcək hər 2 qarşılaşmada Zoe Afram, Sindi Birberq (İspaniya), Sara Kariström, Lusie Sarrapova, Martina Krova, Martina Veysenbilderova (hər üçü Çexiya), Jozifine Gunnarsson, Maya Hansson, Asli İskit (Türkiyə), Karoline Mansson, Luise Neydenström, Aqnes Rutqvist, Elin Stin və Nikolina Zadraveçə (Xorvatiya) şans verəcək.

Qeyd edək ki, “Azəryol” “Kristianstad”la hər iki oyunu Bakıda, “ABU Arena”da keçirəcək. Qarşılaşmalar fevralın 2-də və 3-də olacaq. 

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq