Qadın voleybolçular arasında İtaliya A seriyasında növbəti oyunlar keçirilib. Apasport.az saytının məlumatına görə, XVII tur çərçivəsində “Azəryol”un CEV kubokundakı rəqibi “Novara” “Modena”nın qonağı olub.

Görüş ev sahiblərinin asan qələbəsi ilə yekunlaşıb. Rəqibimiz 1 set belə qazana bilməyib - 0:3 (25:27, 22:25, 17:25).

“Novara” bu məğlubiyyətdən sonra 4-cü pilləni “Modena”ya təhvil verib. Hər 2 komandanın hesabında 35 xalı olsa da, rəqibimiz set fərqinə görə geri qalır.

Qeyd edək ki, “Novara” “Çelenc raund”da “Azəryol”la ilk matçına fevralın 11-də çıxacaq. Bakıda baş tutacaq matç saat 18:00-da başlayacaq. 

• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub
• “Azərreyl”dən inamlı qələbə