Rusiyanın “Proton” klubu Azərbaycana təlim-məşq toplanışına gəlir. Apasport.az saytının məlumatına görə, bu gün paytaxtımızda olacaq Superliqa təmsilçisi hazırlığı Bakı klubları ilə birgə keçəcək.

Ölkə çempionatında 3-cü yerdə olan Saratov klubu ölkəmizdə məşqlərə sabahdan start verəcək. Onlar yanvarın 10-dək Bakıda qalacaqlar.

“Proton” Bakıda təlim-məşq toplanışı çərçivəsində 4 yoxlama matçı da keçirəcək. Roman Kukuşkinin rəhbərlik etdiyi komanda yanvarın 7-də və 9-da “Telekom”la gücünü yoxlayacaq.

Heyətində Azərbaycan millisinin voleybolçusu Anastasiya Qurbanovanın da yer aldığı “Proton” yanvarın 8-də və 10-da isə “Lokomotiv”lə oynayacaq.

Qeyd edək ki, Rusiya klubu Saratova yanvarın 11-də qayıtmağı planlaşdırır.

• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub
• “Azərreyl”dən inamlı qələbə