Qadın voleybolçular arasında Avropa Liqasının yarımfinal mərhələsi çərçivəsində keçirilən Azərbaycan – Yunanıstan görüşünün statistikası açıqlanıb. Apasport.az saytının məlumatına görə, Faiq Qarayevin yetirmələrinin 3:1 hesablı qələbəsi ilə başa çatan görüşün bombardiri Polina Rəhimova olub.

Hücumçumuz 19 xal toplayıb. Digər voleybolçularımızdan Yana Kulan 16, Kseniya Poznyakla Odina Bayramova hərəyə 8, Olena Həsənova 6, Şəfaqət Həbibova 5, Yekaterina Jidkova ilə Ceyran Əliyeva hərəyə 1 xal yığıb.

Rəqibin heyətində isə Anti Vasilantonaki məhsuldar olub. Onun 12 zərbəsi dəqiq alınıb.

Qeyd edək ki, ilk görüşdə də Yunanıstana 3:1 hesabı ilə qalib gələn yığmamız final mərhələsində oynayacaq. 

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq