Azərbaycan millisinin sabiq voleybolçusu Natalya Məmmədovaya yeni vəzifə həvalə edilib. Apasport.az saytının məlumatına görə, 32 yaşlı hücumçu bundan sonra çıxış etdiyi İsveçrə “Volero”sunda kapitan funksiyasını yerinə yetirəcək.

Ötən il 5 illik müqavilə bağladığı Sürix təmsilçisi onu bu vəzifəyə seçməsi təsadüfi deyil. Belə ki, hücumçumuzun zəngin təcrübəsi, həm də əvvəllərdə “Volero”da forma geyinməsi kapitan sarğısının ona həvalə olunmasında rol oynayıb. Bundan başqa, Natalya ötən illərdə də bu vəzifənin öhdəsindən layiqincə gəldiyini sübut edib. O, yığma ilə bu vəzifədə uğur qazanmasa da, “Rabitə” ilə bir sıra titullara imza atıb.

Qeyd edək ki, yeni mövsümdə İsveçrə çempionatı ilə yanaşı, Çempionlar Liqasında oynayacaq “Volero” ilk tur çərçivəsində Rusiya “Uraloçka”sı ilə mübarizə aparacaq. Qarşılaşma oktyabrın 29-na təsadüf edəcək.

• Bu gün XIX tura start veriləcək
• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub