Sabah qadın voleybolçular arasında CEV kubokunun 1/16 final mərhələsinin cavab matçlarına start veriləcək. Apasport.az saytının məlumatına görə, bu yarışda Azərbaycanı təmsil edən “Azəryol” ilk oyun günündə meydana çıxacaq.

Bakı təmsilçisi Rumıniyada 0:3 hesabı ilə uduzduğu “Tarqovitse”ni qəbul edəcək. Qarşılaşmanın heç də asan keçəcəyi gözlənilmir. Çünki evdə asan qələbə qazanan rumınlar paytaxtımıza yüksək əhval-ruhiyyədə gəliblər və onlara mərhələ adlamaq üçün bu dəfə 2 set də kifayət edəcək.

Lakin yeni formalaşan “Azəryol” da 1/8 finala yüksəlməkdə iddialıdı. Çünki mövsümdə ilk rəsmi matçını səfərdə keçirən komandamız Super Liqada “Azərreyl” üzərində qələbə ilə zəif kollektiv olmadığını sübuta yetirib. Onlar hətta “Tarqovitse”nin zəif nöqtələrini analiz edərək, bundan yararlanmağa çalışacaqlarını açıqlayıblar.

“Azəryol”un matçı “Qızıl set”ə daşıması üçün isə qələbə vacibdi. Təbii ki, burada yalnız 3:2 hesablı qalibiyyət rumınların işinə yarayacaq. Aleksandr Çervyakovun yetirmələri qonaqları 3:0 və ya 3:1 hesabı ilə məğlub edərlərsə, hər şeyə “Qızıl set”də aydınlıq gələcək.

CEV kuboku

1/16 final mərhələsi, cavab oyunu

10 noyabr

18:00. “Azəryol” (Azərbaycan) – “Tarqovitse” (Rumıniya)

Hakimlər: Lyubomir Sirakov (Bolqarıstan), Kirill Nesterenko (Rusiya)

Bakı, “Azərreyl” İdman Bazası

İlk oyun: “Tarqovitse” (Rumıniya) - “Azəryol” (Azərbaycan) - 3:0 (25:19, 25:19, 30:28)

• Bu gün XIX tura start veriləcək
• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub