Qadın voleybolçular arasında Çempionlar Liqasının qrup mərhələsində sonuncu – VI tura start verilib. Apasport.az saytının məlumatına görə, tur çərçivəsində Azərbaycan millisinin hücumçusu Polina Rəhimovanın şərəfini qoruduğu “Fənərbaxça” da meydana çıxıb. 

İstanbul təmsilçisi doğma meydanda “Agel Prosteyov” ilə qarşılaşıb.

Görüş ev sahiblərinin qələbəsi ilə yekunlaşıb. İstanbullular 3:1 (25:23, 23:25, 25:13, ) hesabı ilə qalib gəliblər. Rəhimova hamıdan çox – 20 xal toplayıb. O, matçın bombardiri və ən yaxşı oyunçusu olub.

Bu qələbə “Fənərbaxça”nın qrupda qalmasına əngəl olmayıb. Üçüncü yerdə qərarlaşan “sarı bülbüllər” Çempionlar Liqasını 9 xalla başa vurub.

Qeyd edək ki, Rəhimovadan fərqli, millimizin digər üzvü Natalya Məmmədova pley-offda oynayacaq. Onun çıxış etdiyi Kazan “Dinamo”su artıq növbəti mərhələyə yüksəlib.  

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq