Qadın voleybolçular arasında Çempionlar Liqasının qrup mərhələsi çərçivəsində keçirilən “Modena” (İtaliya) - “Telekom” (Azərbaycan) matçının statistikası açıqlanıb. Apasport.az saytının məlumatına görə, Bakı klubunun 0:3 hesabı ilə uduzduğu görüşün ən dəyərli oyunçusu Yelizaveta Səmədova seçilib.

“Telekom”un kapitanı komandasına 21 xal qazandırıb. Səmədova həmçinin ən yaxşı hücumçu adına da yiyələnib.

Ən yaxşı blokçu nominasiyasında Qabriela Koyeva hamını qabaqlayıb. O, 4 dəfə rəqibin hücumunun qarşısını alıb. Topu ən yaxşı oyuna daxil edən Françeska Ferretti (2 xal), ən yaxşı müdafiəçi isə Françeska Markon (37 faiz) olub.

Zoran Qayiçin yetirmələrinin topladığı xala gəlincə, Marqarita Əzizova 8, Yovana Vesoviç 6, Koyeva 5 və Həsənova 3 dəfə dəqiq oynayıb.

Rəqibin heyətində isə Nəriman Özsoy məhsuldar olub. O, "Telekom"dan 18 xal almağı bacarıb.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq